Барсболдын Түмэнцацал нь 2025 оны 3-р сараас Үнэт Зөвлөх ХХК-ийн дэд захирлаар томилогдон ажиллаж байна. Тэрээр банк, санхүү, технологи, хөнгөн үйлдвэрийн салбарт нийт найман жилийн турш ажиллахдаа Монгол болон олон улсын зах зээлд судалгаа, санхүүгийн шинжилгээ, загварчлал, төслийн менежментийн чиглэлээр өргөн туршлага хуримтлуулсан.
Түүний карьер Голомт банкны Зээлийн газарт эхэлсэн бөгөөд ажиллах хугацаандаа 10 гаруй салбарын судалгаа хийж, үнэ цэний хэлхээг тодорхойлон, гол эрсдэлүүдийг үнэлж, Монголын 80 гаруй томоохон компанийн санхүүгийн шинжилгээг гүйцэтгэж байсан. Энэ нь банкны зээлийн шийдвэр гаргалтад чухал нөлөө үзүүлсэн юм. Үүний дараа Хаан банканд ажиллах хугацаандаа интернэт банкны мега төслийг удирдан, 1.9 сая хэрэглэгчийг хамарсан дижитал үйлчилгээ амжилттай нэвтрүүлэхэд гол үүрэг гүйцэтгэсэн.
Түмэнцацал нь дэлхийн тэргүүлэх их сургуулиудын нэг болох Амстердамын Их Сургуулийг “Олон улсын санхүү – Финтек” чиглэлээр магистрын зэрэгтэй төгссөн бөгөөд олон улсын санхүү, дижитал санхүүгийн үйлчилгээнд гүнзгий мэргэшсэн. Тэрээр Нидерланд, Өмнөд Африк, Мьянмар зэрэг улсуудад стартапуудад бизнесийн орчны судалгаа хийж, оновчтой бизнес модель хөгжүүлэх зөвлөх үйлчилгээ үзүүлж байв.
Үнэт санхүүгийн нэгдэлд нэгдэхийн өмнө тэрээр Говь ХК-ийн Санхүү, хөрөнгө оруулалтын хэлтсийн даргаар ажиллаж, компанийн санхүүгийн стратегийг боловсруулан хэрэгжүүлж, гол хөрөнгө оруулалтын шийдвэр гаргалтад манлайлан оролцож байжээ.
Өлзийбаатарын Мөрөн нь банк, санхүү, эдийн засгийн салбарт 7 гаруй жилийн туршлагатай, стратегийн шийдвэр гаргалт, дата анализ, судалгааны чиглэлээр мэргэшсэн эдийн засагч, статистикч, судлаач, дата аналист юм.
Тэрээр ажлын гараагаа 2018 онд Голомт банканд эхэлж, банкны эдийн засгийн судалгааны нэгжийг удирдан олон улсын болон дотоодын зах зээлд чиглэсэн томоохон судалгааны ажлуудыг бүтээж байв. Голомт банк анхны IPO гаргалт болон сүүлийн 10 гаруй жилийн хугацаанд анх удаа олон улсын хөрөнгийн зах зээлд бонд гаргах ажилд гар бие оролцож, амжилттай хэрэгжүүлсэн нь санхүүгийн салбарт түүхэн үйл явдал болсон.
Түүнчлэн, тэрээр мэргэжлийн хөрөнгө оруулагчид, шийдвэр гаргагчид, олон нийтэд санхүү, эдийн засгийн мэдлэг олгох, зөвлөгөө өгөх, стратеги боловсруулах чиглэлээр идэвхтэй ажиллаж байсан. Өөрийн удирдлагад байсан судалгааны багийг чиглүүлэн өргөн хүрээтэй макро эдийн засгийн болон санхүүгийн судалгаануудыг хийж, дата анализ, автоматжуулалтыг хөгжүүлэхэд голлох үүрэг гүйцэтгэсэн.
Технологийн дэвшил, дата анализын аргачлалыг гүнзгий эзэмшсэн тэрээр Үнэт Инновэйшнс ХХК-ийн үндсэн системийг хөгжүүлж, дата суурьтай инновацлаг шийдлүүдийг боловсруулсан.
Өнөөдөр тэрээр санхүү, эдийн засгийн салбарт хуримтлуулсан мэргэжлийн мэдлэг, туршлагаа зориулан ажиллахын зэрэгцээ Үнэт Инновэйшнс ХХК-ийн хамтран үүсгэн байгуулагч, Гүйцэтгэх захирлаар ажиллаж байна.
Баянжаргалын Энхжаргал нь 2024 оны 11 сараас эхлэн Үнэт Кредит ББСБ-ийн гүйцэтгэх захирлаар томилогдон ажиллаж байна. Тэрээр банк, санхүүгийн салбарт тасралтгүй 19 жил ажилласан туршлагатай чадварлаг мэргэжилтэн юм.
Ажлын гараагаа 2005 онд Голомт Банкны картын төвд зээлийн эдийн засагчаар эхэлсэн тэрээр тус банканд зээлийн ахлах ажилтан, байгууллагын банкны газар корпорэйт менежер зэрэг албан тушаалыг хашиж байсан туршлагатай. Энэ хугацаанд “Картпро” программыг нэвтрүүлэх төсөлд амжилттай оролцож, банкны картын системийг сайжруулахад өөрийн хувь нэмрээ оруулсан юм.
Өнөөдөр тэрээр Үнэт Кредит ББСБ-ийн үйл ажиллагааг удирдаж, харилцагчдын итгэл дээр тулгуурласан санхүүгийн үнэ цэнийг бүтээхээр манлайлан ажиллаж байна.
Батнасангийн Цогтсайхан нь 2024 оны 7 сараас эхлэн Үнэт Солюшн ХХК-ын гүйцэтгэх захирлаар томилогдон ажиллаж байна. Тэрээр банк, санхүүгийн салбарт 7 жил ажилласан туршлагатай, залуу, чадварлаг удирдагч юм.
Ажлын гараагаа Голомт банканд эхлүүлж тус банканд бизнес шинжээч, Нээлттэй банк төслийн координатор, Олон Улсын төлбөр тооцооны төслийн шинжээч, дижитал зээлийн төслийн бизнес шинжээчээр тус тус ажилласан туршлагатай. Мөн тэрээр финтек салбарт 1 жилийн хугацаанд бизнес хөгжлийн хэлтсийн менежерээр ажилласан юм.
Өнөөдөр тэрээр Үнэт солюшн ХХК-ын үйл ажиллагааг удирдан, инновац шинэлэг шийдлүүдийг зах зээлд нэвтрүүлж, байгууллагын хөгжлийг шинэ түвшинд гаргахаар ажиллаж байна.
Батпүрэвын Жаргалтөгс нь “Үнэт Санхүүгийн Нэгдэл”-ийг хамтран үүсгэн байгуулж, 2024 оны 1-р сараас эхлэн ТУЗ-ийн гишүүнээр ажиллаж байна. Тэрээр банк, санхүүгийн салбарт тасралтгүй 19 жил ажилласан арвин туршлагатай мэргэжилтэн юм.
Ажлын гараагаа 2005 оноос эхэлсэн тэрээр Голомт банканд Нягтлан бодогч, Теллер, Зээлийн ажилтан, Харилцааны менежер, Салбарын захирал, Салбар хариуцсан менежер
зэрэг олон албан тушаал хашиж, банкны дотоод үйл ажиллагаа, зээлийн бодлого, харилцагчийн үйлчилгээний чанарыг сайжруулах чиглэлээр үр дүнтэй ажиллаж байжээ.
Бат-Эрдэнийн Мөнхцэцэг нь 2024 оны 4-р сараас эхлэн “Үнэт Ассет Менежмент ҮЦК” ийн Гүйцэтгэх захирлаар ажиллаж байна.
Банк, санхүүгийн салбарт 11 жилийн туршлагатай тэрээр Голомт банканд эрсдэлийн менежер, аудитор, комплаенсийн мэргэжилтэн, ахлах менежер зэрэг албан тушаал хашиж байжээ. Энэ хугацаанд олон улсын жишигт нийцсэн комплаенсын системийг нэвтрүүлж, томоохон хөрөнгө оруулалтын төслүүдийг удирдан хэрэгжүүлсэн туршлагатай. Мөн банкны бизнесийн төлөвлөлт, гүйцэтгэл хянах, систем нэвтрүүлэх төслүүдэд багийн удирдагчаар ажиллаж байсан. 2020 оноос Үнэт цаасны зах зээлд ажиллаж, CFA зэрэг горилж байгаа бөгөөд салбартаа шинэ мэдлэг, туршлага нэвтрүүлэхийг зорьж байна.
Өнөөдөр тэрээр Үнэт Ассет Менежмент ҮЦК-г удирдан, хөрөнгийн удирдлагын салбарт манлайлан ажиллаж айна.
Энхбатын Нямбаяр нь 2024 оны 4-р сараас эхлэн Үнэт Санхүүгийн Нэгдэл-ийн Бизнес хөгжил хариуцсан захирлаар, 2024 оны 9 сараас эхлэн Үнэт Секьюритис ҮЦК ХХК-ийн
Гүйцэтгэх захирлаар томилогдон ажиллаж байна. Тэрээр банк, санхүү, төслийн удирдлагын салбарт 9 жилийн туршлагатай, чадварлаг менежер, эксперт юм.
Ажлын гараагаа Таван богд групп-ээс эхлүүлсэн тэрээр 2017 оноос Голомт банканд Иргэд, Жижиг дунд, Корпорэйт зэрэг бизнесийн бүх түвшинд харилцаа, хамтын ажиллагааг амжилттай удирдан ажиллаж байв. Тэрээр харилцагчдын хэрэгцээ шаардлагад нийцсэн бүтээгдэхүүн, үйлчилгээг уламжлалт болон дижитал шийдэл хослуулан зах зээлд амжилттай нэвтрүүлсэн туршлагатай. Мөн гадаад, дотоодын төслүүдэд багийн гишүүн болон координатороор ажиллаж, төслүүдийг үр дүнтэй хэрэгжүүлсэн төслийн удирдлагын мэргэшсэн чадвартай. 2019 оноос тогтвортой санхүүжилтийн чиглэлд төвлөрч, судалгааны ажлууд дээр ажиллан, ногоон эдийн засгийн өсөлтөд хувь нэмрээ оруулж байна.
Өнөөдөр тэрээр Үнэт Секьюритис ҮЦК ХХК-г удирдаж, байгууллагын цаашдын өсөлт, тогтвортой хөгжилд манлайлан ажиллаж байна.
Галбадрахын Гүрбазар нь “Үнэт Санхүүгийн Нэгдэл”-ийг хамтран үүсгэн байгуулж, 2024 оны 2 сараас эхлэн Санхүү эрхэлсэн захирлаар томилогдон ажиллаж байна. Тэрээр банк, санхүүгийн салбарт 12 жил ажилласан туршлагатай, чадварлаг удирдагч юм.
Ажлын гараагаа 2012 онд Лондоны JW Marriott Grosvenor House зочид буудалд Санхүүгийн мэргэжилтнээр эхэлсэн тэрээр Голомт банканд 10 жил ажиллан санхүүгийн мэргэжилтэн, санхүүгийн төлөвлөлтийн ахлах менежер, санхүүгийн төлөвлөлт үнэлгээний хэлтсийн захирал зэрэг албан тушаалыг тус тус хашиж байжээ. Энэ хугацаандаа Oracle BI, AQR, IFR9 төслүүдэд амжилттай оролцож, IPO төслийн багийг удирдаж ажилласан туршлагатай. Түүнчлэн тэрээр Финтек салбарт санхүү эрхэлсэн захирлаар ажилласан юм.
Өнөөдөр тэрээр Үнэт Санхүүгийн Нэгдлийн санхүү удирдлагыг манлайлан ажиллаж байна.
Эрдэнэбилэгийн Тэлмэн нь “Үнэт Санхүүгийн Нэгдэл”-ыг хамтран үүсгэн байгуулж, 2024 оноос ТУЗ-ийн гишүүнээр томилогдсон. Тэрээр үндэсний болон олон улсын санхүүгийн байгууллага, хөгжлийн тусламж, хүмүүнлэгийн төсөл хөтөлбөрүүдэд 18-аас дээш жил ажилласан туршлагатай, салбартаа нөлөө бүхий мэргэжилтэн юм.
Одоогоор Э.Тэлмэн НҮБ-ын Хөгжлийн хөтөлбөрт судалгаа, хөгжүүлэлтийн ахлах мэргэжилтнээр ажиллаж, Монгол Улсын хөгжлийн сорилтуудыг шийдвэрлэхэд шинэ технологи, инновацийн аргачлалыг нэвтрүүлэх үйлсэд амжилттай ажиллаж байна. Карьерынхаа туршид Э.Тэлмэн нь банк санхүү, хувийн хэвшлийн хөгжил, хүмүүнлэгийн тусламжийн салбарт тэргүүлэх үүрэг гүйцэтгэсэн Дэлхийн банк, Олон улсын санхүүгийн корпораци (IFC), Хүүхдийг Ивээх Сан, Мянганы Сорилтын Сан, Голомт банк зэрэг томоохон байгууллагуудад чухал албан тушаалуудыг хашиж байсан. Тэрбээр тогтвортой хөгжлийг хангах, эдийн засгийн өсөлт болон нийгмийн сайн сайхныг дэмжихэд чиглэсэн стратегийн удирдлагын чиглэлээрээ танигдсан мэргэжилтэн юм.
Э.Тэлмэн Их Британийн Оксфордын Их Сургуулийн Бодлого төлөвлөлтийн магистр, Монгол Улсын Их Сургуулийн Бизнесийн удирдлагын магистр, мөн Шинжлэх Ухаан Технологийн Их Сургуулийн Бизнесийн удирдлагын бакалаврын зэрэгтэй. Тэрээр олон улсын хэмжээнд хүлээн зөвшөөрөгдсөн мэргэжилтэн бөгөөд Монгол Улсын хөгжилд чухал хувь нэмэр оруулсаар байна.
Занаабаатарын Мягмардорж нь Үнэт Санхүүгийн Нэгдэл-ийг үүсгэн байгуулагчдын нэг бөгөөд 2024 оноос группийн Гүйцэтгэх захирлын албыг хашиж байна. Тэрээр банк, санхүү, хөрөнгө оруулалтын салбарт тасралтгүй 17 жил ажилласан арвин туршлагатай, салбартаа хүлээн зөвшөөрөгдсөн мэргэжилтэн юм.
Тэрээр 2007 оноос Голомт банкны Иргэдийн бизнесийн зах зээлд 5 жил ажиллан харилцагчийн үйлчилгээ, бүтээгдэхүүн хөгжүүлэлт, борлуулалтын чиглэлээр туршлага
хуримтлуулсан. 2012 оноос хойш Байгууллагын буюу Корпорэйт бизнесийн зах зээлд 12 жил ажиллаж, судалгаа, борлуулалтын үр дүнтэй стратегийг амжилттай хэрэгжүүлэн
сүүлийн 3 жилд банкны байгууллагын бизнесийг удирдаж, банк санхүү, хөрөнгийн зах зээлээр дамжуулан олон томоохон бүтээн байгуулалтыг хэрэгжүүлсэн юм. 2019 оноос
жижиг, дунд бизнесийн салбарт хөрөнгө оруулалт, менежментийн зөвлөхөөр ажиллаж, шинэ бизнесийн боломжуудыг нээж, эдийн засагт үнэ цэн нэмсэн төслүүдийг амжилттай удирдаж байна.
Өнөөдөр тэрээр Үнэт Санхүүгийн Нэгдлийн стратегийн удирдлагыг хэрэгжүүлж, санхүүгийн салбарт хамтын үнэ цэнийг бий болгохын төлөө манлайлан ажиллаж байна.
Дандарын Бадрал нь 2023 онд “Үнэт Санхүүгийн Нэгдэл”-ийг үүсгэн байгуулж, 2024 оноос Төлөөлөн удирдах зөвлөлийн даргаар томилогдон ажиллаж байна.
Тэрээр банк, санхүү, хөрөнгийн зах зээл, төслийн менежментийн чиглэлээр 20 гаруй жил ажилласан туршлагатай бөгөөд Голомт банкны Гүйцэтгэх захирлын орлогчоор ажиллах хугацаандаа бизнесийн тасралтгүй өсөлт, эрсдэлийн удирдлага, компанийн зах зээлийн шинэчлэлд томоохон хувь нэмэр оруулжээ. Түүний манлайлал нь Голомт банкийг Монголын хөрөнгийн зах зээлд олон нийтэд нээлттэй компани болгон, банк санхүүгийн салбарт тасралтгүй өргөжин тэлэхэд чухал үүрэг гүйцэтгэсэн билээ.
Өнөөдөр тэрээр “Өрсөлдөж биш хамтарч, өмчилж биш хуваалцдаг ҮНЭТ бизнесийн соёлыг түгээх” эрхэм зорилготойгоор үнэт зүйл, итгэл үнэмшлээрээ нэгдсэн чадварлаг
багийн хамт Үнэт Санхүүгийн Нэгдлийг удирдан ажиллаж байна. Дандарын Бадралын манлайлал дор Үнэт Санхүүгийн Нэгдэл нь харилцагчдын итгэл дээр суурилсан, хамтдаа
өсөж хөгжих хамтын үнэ цэнийг бүтээж буй байгууллага болон өргөжин тэлж байна.
Shared value
ҮНЭТ САНХҮҮГИЙН НЭГДЭЛ нь өрсөлдөж биш хамтарч, өмчилж биш хуваалцах замаар хамтын үнэ цэнийг бүтээх эрхэм зорилготой үндэсний санхүүгийн нэгдэл компани юм.
Бид эрсдэлийн удирдлага, тогтвортой санхүүжилтийн олон улсын стандарт, шилдэг туршлагыг үйл ажиллагаанд хэрэгжүүлэхийн сацуу компанийн засаглалаар салбартаа тэргүүлэн зөв жишгийг бий болгож, инновацид суурилсан санхүүгийн шинэлэг бүтээгдэхүүн үйлчилгээг зах зээлд нэвтрүүлэн, хөрөнгө оруулалтын өгөөжийг нэмэгдүүлэх зорилготой ажиллаж байна.
Өрсөлдөж биш хамтарч, өмчилж биш хуваалцана
Хамтын хүчээр үндэсний тэргүүлэх нээлттэй компани болно
Хамтын үнэ цэн
Үнэт Кредит ББСБ нь хэрэглээний болон бизнесийн бүх төрлийн зээл, гадаад валютын арилжаа, төлбөр тооцоо, итгэлцэл, факторинг зэрэг олон төрөлт санхүүгийн үйлчилгээг 12 дахь жилдээ мэргэжлийн өндөр түвшинд үзүүлж буй туршлагатай компани юм.
Бид эрсдэлийн удирдлага, багцын удирдлага, засаглалын хэм хэмжээг олон улсын жишгийн дагуу хэрэгжүүлж санхүүгийн салбарын үйлчилгээг илүү хүртээмжтэй болгохоор ажиллаж байна.
Та бүх төрлийн зээл, гадаад валютын арилжаа, итгэлцлийн үйлчилгээ сонирхож байвал энд дарна уу
Холбогдох утас: 7755 8822
Үнэт Файнэншил Сервис ХХК нь Австрали улсад бүртгэлтэй компани бөгөөд гадаад улсад оршин суугаа Монголчууддаа санхүүгийн үйлчилгээг түргэн шуурхай, хүртээмжтэй хүргэх замаар иргэдийн бүтээмж, амьдралын чанарыг дээшлүүлэх зорилготой.
Бид одоогоор Австрали улсад үйл ажиллагаа тогтмол явуулж байгаа ба цаашид үйл ажиллагааны хүрээгээ тэлж бусад улсад тархан суугаа Монголчууддаа хүрэхээр зорин ажиллаж байна.
“Үнэт Секьюритис ҮЦК” ХХК нь дотоодын биржийн болон биржийн бус зах зээлийн хөрөнгө оруулагчдад тэдгээрийн хөрөнгө оруулах сонирхолд тохирсон бүтээгдэхүүн, үйлчилгээ, багцын арилжаанд зуучлах үнэт цаасны брокерын үйлчилгээг үзүүлж байна.
Та хөрөнгө оруулалт, арилжаа хийхийг хүсвэл энд дарна уу
Үнэт Ассет Менежмент ХХК нь санхүү, хөрөнгийн зах зээлийн мэдлэгт суурилсан шилдэг туршлага, багцын оновчтой удирдлага, импакт инвестмент, эрсдэлийн удирдлагын тогтолцоогоороо дамжуулан САН-гийн хөрөнгийн үнэ цэн, өгөөжийг нэмэгдүүлж хөрөнгө оруулагчдад өндөр өгөөж хүртэх, хөрөнгийн зах зээлд оролцоотой байх өргөн цар хүрээтэй боломжуудаар хангах зорилгоор үүсгэн байгуулагдсан.
Та үр ашигтай хөрөнгө оруулалт, хөрөнгө оруулалтын санд хөрөнгө оруулахыг хүсвэл энд дарна уу.
Холбогдох утас: 7700 9191
Үнэт Солюшн ХХК нь мэдээллийн технологийн салбарын хамгийн сүүлийн үеийн шийдлүүдийг шингээсэн программ хангамж, системийн инженерчлэлийг үйлчлүүлэгч бүртээ тохируулан санал болгодог.
Бид байгууллагын бизнесийн үйл ажиллагааг автоматжуулахад чиглэсэн дотоод ERP систем болон борлуулалтыг нэмэгдүүлэхэд чиглэсэн программ хангамж, санхүүгийн секторын үндсэн системүүдийг орчин үеийн шинэ технологийн тусламжтайгаар хөгжүүлэн ханган нийлүүлж, дэмжлэг үйлчилгээг тогтмол үзүүлэн ажиллаж байна.
Үнэт Инновэйшнс нь датабааз менежмент, ахисан дата анализ, судалгаа болон статистик загварлалын сүүлийн үеийн шийдлийг санал болгох технологийн шинэлэг компани юм.
Бид таны стратеги, шийдвэр гаргалтад чухал дэмжлэг үзүүлэх дэлгэрэнгүй статистик, тайлан, ирээдүйн таамаглал зэрэг тоон хөрөнгийг санал болгож байна.
Үнэт Зөвлөх ХХК нь байгууллагуудын үйл ажиллагааны үр ашгийг нэмэгдүүлж, тогтвортой өсөлтийг хангахад чиглэсэн менежмент, зөвлөх үйлчилгээг үзүүлдэг. Бид харилцагч байгууллагуудтай нягт хамтран ажиллаж, тэдний хэрэгцээнд нийцсэн судалгаа, шинжилгээ, үнэлгээ болон оновчтой шийдлүүдийг санал болгосноор бизнесийн зорилгодоо хүрэхэд нь дэмжлэг үзүүлдэг.
"Үнэт Кредит ББСБ ХХК" нь мэдээллийн аюулгүй байдлын удирдлагын тогтолцоог олон улсын стандартад нийцүүлэх зорилгоор Тур...
Монгол дахь Америкийн Худалдааны Танхим (АмЧам Монгол) 2025 оны 1-р сарын 28-ны өдөр “Монгол Улсын 2025 он ба дунд хугац...
Үнэт Кредит ББСБ ХХК нь Мони Маркет Фанд ХХК-тай Репо зээлийн мастер гэрээ болон Итгэлцлийн арилжааны мастер гэрээг тус ...
© 2025 он. Unet Financial Group. Бүх эрх хуулиар хамгаалагдсан. Вэб хөгжүүлэгч Mind Agency
